പ്രധാനമന്ത്രി നരേന്ദ്രമോദിയുടെ സന്ദർശനം കണക്കിലെടുത്ത് ഗുരുവായൂർ ക്ഷേത്രത്തിലെ വിവാഹങ്ങൾ 17ന് രാവിലെ 6 മുതൽ 9 വരെ വിലക്കും.നേരത്തെ ബുക്ക് ചെയ്ത വിവാഹങ്ങള് രാവിലെ ആറിനു മുമ്പോ ഒമ്പതിനു ശേഷമോ നടത്തേണ്ടിവരും. പൊലീസ് ഇത് സംബന്ധിച്ച് വിവാഹ പാര്ട്ടിക്കാര്ക്ക് നിര്ദേശം നല്കി.നടനും ബി.ജെ.പി നേതാവുമായ സുരേഷ് ഗോപിയുടെ മകളുടെ വിവാഹ ചടങ്ങുകൾക്കാണ് മോദി വരുന്നത്. രാവിലെ എട്ടിന് ശ്രീകൃഷ്ണ കോളജ് വളപ്പിലെ ഹെലിപാഡിലാണ് മോദി ഇറങ്ങുക.റോഡ് മാര്ഗം 8.10ന് ശ്രീവത്സം ഗസ്റ്റ് ഹൗസില് എത്തും. 8.15ന് ക്ഷേത്രത്തില് ദര്ശനം നടത്തും. 20 മിനിറ്റ് നേരം ക്ഷേത്രത്തില് ചെലവഴിച്ച ശേഷം ക്ഷേത്രനടയില് നടക്കുന്ന സുരേഷ് ഗോപിയുടെ മകളുടെ വിവാഹ ചടങ്ങില് പങ്കെടുക്കും. പ്രധാനമന്ത്രിയുടെ സന്ദര്ശനം കണക്കിലെടുത്ത് കനത്ത സുരക്ഷാക്രമീകരണങ്ങളാണ് ക്ഷേത്രനഗരിയില് ഒരുക്കുന്നത്. വെള്ളിയാഴ്ച എസ്.പി.ജി. കമാന്ഡോസ് എത്തും. നഗരത്തില് രാവിലെ ആറുമുതല് ഗതാഗത നിയന്ത്രണം ഉണ്ടാകും.
സുരേഷ് ഗോപിയുടെ മകളുടെ വിവാഹ ചടങ്ങുകൾക്കാണ് മോദി; ഗുരുവായൂരിൽ സുരക്ഷക്കായി എസ്.പി.ജി സംഘം ഗുരുവായൂരിൽ.
![](https://healofnews.com/wp-content/uploads/2024/01/WhatsApp-Image-2024-01-12-at-10.32.36_e0959be3-1-770x470.jpg)